MIROLEO RECOMENDA

Durante este mes de outubro, os monstros, bruxas, lobishomes... e demais criaturas terroríficas, protagonizan as lecturas recomendadas por Miroleo. 

Achégate ó expositor e escolle a que máis che guste!!!

DÍA DAS BIBLIOTECAS ESCOLARES

O pasado martes, día 24, co motivo do Día das Bibliotecas Escolares, inauguramos a biblio do centro para este curso, dando comezo ás múltiples e diversas actividades que se levarán a cabo dende este enriquecedor espazo.

Nesta xornada, os colaboradores, os alumnos e alumnas de Sexto de Ed. Primaria, presentáronse ó resto de compañeiros e compañeiras, explicándolles cales ían ser as súas funcións dentro da biblioteca. Así, o alumnado poderá facer empréstitos, devolucións, pescudas de exemplares... coa axuda dos maiores do cole. 

Ademais, os colaboradores aproveitaron esta ocasión para convidar ó resto do centro a ver a súa obra "As fechorías da bruxa Catuxa". Trátase dunha obra representada con títeres, escrita e interpretada por eles mesmos. 

DINAMIZA TV 2023

 Un ano máis, podemos amosarvos os resultados da actividade realizada en colaboración co Concello da Estrada e os Equipos de Dinamización da lingua galega da Estrada:DINAMIZA TV!!

No noso noticieiro ensinámosvos varias actividades feitas ao longo do curso, entrevista a nosa auxiliar de conversa, os atranques do entroido, recunchos preferidos, xogos tradicionais, recomendacións lectoras...quedades coas nosas presentadoras Xiana e María:

EXCURSIÓN DE FIN DE CURSO , CURSO 2022-2023

 Onte para rematar o curso, realizamos todo o colexio unha saída ó Grove. Primeiro fomos en catamarán pola Ría de Arousa, logo visitamos o Acuario e por últimos desfrutamos na Aldea Grobbit.

Mirade que ben o pasamos

Recomendacións lectoras verán 2023

 O curso está chegando ó seu remate, e por iso para os momentos de lecer do verán, aquí vos deixamos unhas recomendacións lectoras para todas as idades e gustos. Un traballo conxunto entre os centros Plambe da Estrada

 BOAS LECTURAS!!!

X FESTA DAS PALABRAS

Onte tivo lugar a décima edición da Festa das Palabras!

https://www.lavozdegalicia.es/noticia/deza/a-estrada/2023/06/07/span-langgl-estrada-presume-canteira-literaria-galegospan/0003_202306D7C4994.htm

Na xornada entregáronse os premios aos 62 gañadores, que recibiron os exemplares, ademais de 14 ilustracións feitas por nenos e nenas de Educación Infantil.

✍️ A portada foi deseñada por Rosa de Cabanas e o prólogo escribiuno Charo Golmar, madriña da edición, quen puxo en valor o emprego da nosa lingua.

A tarde estivo amenizada pola música do proxecto Valladares.

Velaquí vos deixamos algunhas imaxes ⤵

PROXECTO A VOLTA AO MUNDO: O PLANETARIO

 Hoxe no colexio tivemos a oportunidade de ter un PLANETARIO!!🌎

En dúas sesións o alumnado  visionou dúas proxeccións interactivas dentro dunha bóla ou cúpula hinchable. O cine esférico proxectou imaxes en 360º e en formato "full dome" en 3D.