CONTOS DE SOFÁ: SI YO TUVIERA UNA PÚA

 Esta semana visitounos Aitor, antigo alumno do centro e primo de Noa para contarnos un fermoso conto titulado  SI YO TUVIERA UNA PÚA

Moitas grazas familia!!! 

 

EXCURSIÓN A CANTABRIA

O alumnado de 5º e 6º de Ed. Primaria desfrutaron, fai unhas semanas, dunha magnífica e divertida excursión a Cantabria. Foron catro días moi intensos, nos que puideron coñecer a praia das Catedrais, a cidade de Santander, visitar Cabárceno, as covas do Soplao, realizar o descenso do Sella e coñecer o acuario de Xixón. Ademais, o bo tempo, permitiulles  aproveitar a piscina do noso aloxamento.

Dende logo, unha experiencia única e inolvidable para todos/as!

DÍA MUNDIAL DO MEDIOAMBIENTE

O pasado 5 de xuño, celebrouse o Día Mundial do Medioambiente. Para dita conmemoración, dende o centro, realizáronse varias actividades.

Por unha banda, o alumnado de 6º de Ed. Primaria, encargouse da gravación dun podcats no que se aborda o problema da contaminación, falando tanto dos tipos de contaminación existentes, as súas consecuencias, pero tamén aquilo que podemos facer nós para contribuír ao coidado do noso planeta.

Trátase dun programa moi didáctico e entretido, animámosvos a escoitalo!

Ademais, da man de Labralia, todo o alumnado do centro dispúxose á plantación do noso horto. 

A maiores, realizouse unha xornada de limpeza da nosa contorna. O alumnado de 3º e 4º de Ed. Primaria, encargouse da recollida de residuos en torno ao noso centro e no noso patio. Unha xornada de reflexión sobre a importancia de coidar o medio que nos rodea.

Por último, os cativos/as de 4º e 5º de Ed. Infantil, leron o libro dos Bolechos, Os animais do bosque, lectura moi interesante para dita conmemoración, posto que ademais de presentar aos animais que habitan nos montes galegos, reflexiona sobre a importancia do coidado destos ecosistemas. 

A MÚSICA NA NOSA CONTORNA

Xa está a piques de rematar o curso, o que implica que tamén estamos concluíndo a investigación sobre o PDI deste ano,  A música na nosa contorna.

Como ben sabedes, comezamos este proxecto coa visita de Mondra, para o que nos temos que remontar ao mes de outubro; recibimos varios obradoiros de música e baile tradicional da man de músicos como Josele, Manuel Pardo Lareo... Ademais, dentro do noso programa RadiOca, cada podcast tivo un espazo de recomendación musical, no que se suxeriron grupos musicais que están a publicar en galego e reinventando a música tradicional. Por suposto, realizamos a nosa propia foliada, coincidindo coa celebración do entroido. 

Ademais, levamos a cabo varias investigacións:

- O alumnado de 1º e 2º de Ed. Primaria, encargáronse do estudo e clasificación dos diferentes instrumentos da música tradicional. 

- Os alumnos/as de 5º e 6º de Ed. Primaria, centráronse no estudo das pandeireteiras da provincia de Pontevedra (Felisa Insuela, Maruxa das Cortellas, Rosa de Moscoso, etc.). O alumnado partiu do visionado de diferentes reportaxes gráficas e continuou coa investigación sobre as mesmas, plasmando o resultado da súa investigación neste mural. Ademais, aprenderon a canción do Caneco para posteriormente crear o seu propio, con coplas que falaran da súa contorna. 

- Por último, dende Ed. Musical, convidouse ao alumnado de tódolos cursos, a realizar instrumentos tradicionais con materiais reciclados, dándolle así unha segunda oportunidade a eses residuos. Os resultados son así de chamativos!

Pero isto aínda non rematou, nos vindeiros días, amosarémosvos resultados doutros traballos e investigacións!

CREAMOS!

Como ben sabedes, a biblioteca non é só un espazo de lectura, senón tamén un lugar no que escribir e deixar voar a nosa imaxinación. 

Deste xeito, o alumnado de Proxecto Competencial e os cativos de 6º de Ed. Infantil, puxéronse mans á obra e crearon os seus propios contos. 

Os primeiros, dedicáronse a crear libros monstruosos. As portadas son moi chamativas, imaxinade o seu interior!

Mentres os máis pequenos, centráronse na creación dun conto disparatado, entre todos, cun resultado moi orixinal e divertido.

Todos están na biblioteca expostos, agardando ser lidos! Esperámosvos!

CONTOS DE SOFÁ: NO OVO

Esta semana visitáronnos Vicky e David, papás de Ara para contarnos un fermoso conto titulado NO OVO

Moitas grazas familia!!! 

 

 

CONTOS DE SOFÁ: ATÉ AS PRINCESAS SOLTAN PEIDOS

 Esta semana visitounos Ana, mamá de Xulia  para contarnos un fermoso conto titulado ATÉ AS PRINCESAS SOLTAN PEIDOS

Moitas grazas familia!!!