PARTICIPAMOS NO PROGRAMA DA TVG "O TERMÓMETRO"

Continuamos cunhas novas entregas da nosa participación no programa O Termómetro da TVG.

A continuación, ensinámosvos o resultado!

SESIÓN DE SENSIBILIZACIÓN E PREVENCIÓN CONTRA O ACOSO ESCOLAR

Durante esta xornada, o alumnado de 5º e 6º de Ed. Primaria, acudiron a unha videoconferencia impartida polos especialistas de A.E.A.E.(Asociación Española para a prevención do Acoso Escolar), centrada nas estratexias para previr e combater o acoso escolar. Esta charla contou tamén coa colaboración de Eloi Moreno, autor de Invisible e Redes, dúas novelas que abordan dita temática. 

COMENZAMOS COAS LECTURAS COMPARTIDAS

Nesta ocasión o alumnado de sexto foi o encargado de compartir o momento lector cos máis cativos/as. Para dinamizar este momento, os colaboradores elixiron os contos A pantasma das bragas rotas e Nicomedes. Dúas historias que mantiveron os pequenos do centro moi atentos.

DINAMIZACIÓN DOS RECREOS DENDE A BIBLIOTECA

Este curso, dende a biblioteca, demos comezo ás actividades de dinamización durante os recreos.

Os colaboradores/as da biblioteca, o alumnado de sexto, está a deseñar talleres que se desenvolven durante os patios.

Demos comezo a esta actividade cun taller de papiroflexia organizado e impartido por Miguel, cunha gran afluencia e éxito.

Esta semana, desfrutaremos dun taller impartido por outra compañeira, agardámosvos!

PRESENTÁMOSVOS AOS COLABORADORES DA BIBLIOTECA

Como ben sabedes, todos os cursos, contamos con varios colaboradores na biblioteca. Este ano, son os alumnos e alumnas de sexto, os encargados de botarnos unha man: realizarán préstamos e devolucións, encargaranse de manter ben colocados os libros, dirixirán o programa de radio, farán talleres de dinamización da biblioteca durante o recreo, entre outras moitas funcións.

Presentámosvolos!!!

PARTICIPAMOS NO PROGRAMA DA TVG "O TERMÓMETRO"

Como vos comunicabamos na publicación anterior, o alumnado, familias e incluso o conserxe do cole,  participaron no programa O Termómetro da TVG.

A continuación, ensinámosvos o resultado!

PARTICIPAMOS NO PROGRAMA DA TVG "O TERMÓMETRO"

Este martes, a biblioteca converteuse nun gran estudo de gravación. O equipo do programa "O Termómetro" emitido na TVG, acudiu ao centro para gravar unha sección que se centrará nas diferenzas interxeracionais, comparando hábitos de vida de nenos e persoas maiores.

Varios alumnos/as do centro participaron nesta gravación compartindo as súas vivenzas así como familiares dos nosos cativos/as.

Estamos desexando ver o resultado que, por suposto, compartiremos a través desta canle!

BENVID@S!!!

Dende a biblioteca, queremos darvos a benvida a este novo curso escolar. A nosa biblio, xa se atopa aberta, desexando recibirvos a todos e todas con centos de lecturas que agardan ser lidas. 

Para animarvos, amosámosvos no noso mural expositor, algún exemplar de coleccións divertidísimas, atoparédelas completas dentro. Animádevos a entrar e desfrutar das mesmas!

RECOMENDACIÓNS LECTORAS PARA O VERÁN

 Aquí vos deixamos as recomendacións lectoras para este verán que realizamos conxuntamente entre os centros da contorna:

- CEIP PLURILINGÜE DE OCA

- CEIP DO FOXO

- CEIP CABADA VÁZQUEZ

- CEIP PÉREZ VIONDI

- CEIP DE FIGUEIROA

 

FELIZ VERÁN E MOOOI BOAS LECTURAS

 

FIN DE CURSO

Temos que poñer punto e final a un curso marabilloso, cheo de aprendizaxes e vivenzas. Pero antes,  queremos despedir ao alumnado de sexto de Ed. Primaria, quen comeza unha nova etapa. Desexámoslle moita sorte e agardamos a súa visita o vindeiro curso!!!

A continuación, deixámosvos unhas fotos da súa graduación.

Ademais, tamén fixemos a graduación de 6º de Educación Infantil. Estes pequenos/as seguen no colexio, pero tamén se dispoñen a un gran cambio de etapa. Por iso, tamén fixemos un pequeno acto para festexar este cambio.

Desfrutade moito do verán!!!! Vémonos no próximo curso!!!!

RADIOCA DESPÍDESE

Chega o momento en que toca despedirse, por este curso, RadiOca, pecha o seu estudo de gravación, pero antes queremos deixarvos un podcats cunha serie de recomendacións, algunhas son para o verán. 

Animádevos a escoitalo!!!

VISITAMOS A ILLA DE ONS

O pasado xoves, todo o centro, compartimos un día de excursión, visitamos a illa de Ons. Unha xornada moi divertida, na que realizamos unha pequena ruta guiada para coñecer este fermoso parque natural, desfrutamos da praia, comimos de pícnic e, para rematar, realimos un xogo de pistas que nos permitiu saber máis deste lugar. 

CHARLA EDUCACIÓN SEXUAL

O alumnado de 5º e 6º de Ed. Primaria, recibiron a semana pasada unha charla de educación sexual, da man da sexóloga Sabela Maceiro Mato, de Desexos.

Unha charla moi didáctica e necesaria!

CONTOS DE SOFÁ: SI YO TUVIERA UNA PÚA

 Esta semana visitounos Aitor, antigo alumno do centro e primo de Noa para contarnos un fermoso conto titulado  SI YO TUVIERA UNA PÚA

Moitas grazas familia!!! 

 

EXCURSIÓN A CANTABRIA

O alumnado de 5º e 6º de Ed. Primaria desfrutaron, fai unhas semanas, dunha magnífica e divertida excursión a Cantabria. Foron catro días moi intensos, nos que puideron coñecer a praia das Catedrais, a cidade de Santander, visitar Cabárceno, as covas do Soplao, realizar o descenso do Sella e coñecer o acuario de Xixón. Ademais, o bo tempo, permitiulles  aproveitar a piscina do noso aloxamento.

Dende logo, unha experiencia única e inolvidable para todos/as!