SAMAÍN

A pasada semana, desfrutamos da celebración do Samaín no centro. Realizamos multitude de actividades, amosámosvos:

Por unha banda, como xa é tradición, houbo exposición de cabazas e produtos de outono. Os cativos/as coa colaboración das familias, botaron man da imaxinación e crearon obras divertidísimas a vez que terroríficas. 

A maiores, intercambiamos postais de Samaín cos centros da nosa contorna. 

Ademais, durante a xornada do xoves, os nenos/as puideron participar en dous talleres: contacontos terroríficos en inglés e creación de monstros, empregando materiais de refugallo. 

Contaron tamén cun photocall!

E por último, gozamos coa actuación de Nelson Quinteiro, Barullo, quen ofreceu un espectáculo musical relacionado coa música tradicional.

Xa para rematar, cativos/as e familias degustaron chocolate con churros e castañas. Final perfecto para unha mañá do máis divertida!