VISITAMOS O CINE

 Hoxe o MECO DE OCA mandounos vir disfrazados e así de simpáticos fomos  ir ó cine A Estrada.

 

 Despois fomos ó parque a xogar e pasar unha xornada divertidísima

 

ENTROIDO

E seguindo as ORDES DO MECO...PARA REMATAR A SEMANA, UNHA GRAN FOLIADA!!! E vaia se fixemos unha gran foliada: fixemos un desfile acompañados duns grandes músicos, despois os alumnos de 3º, 4º, 5º e 6º bailaron a Muiñeira Sinxela e despois todos os nenos/as cantaron O PIRIMPIMPÍN.

 

 

 

 

Pero tamén quixemos poñer ás familias a bailar e fixemos un bingo musical

 

E para rematar a foliada, unha gran merenda con postres de entroido

 

DÍA DE ROSALÍA

Como ben sabedes, o pasado venres,  23 de Febreiro, celebrouse o Día de Rosalía. Para conmemorar dita celebración, dende o centro,  realizáronse varias actividades.

O alumnado de 5º realizou unha exposición da vida e obra de Rosalía.

Tamén demos a coñecer os finalistas do concurso de Micropoemas e Microrrelatos. Queremos dar a noraboa a  todos os participantes!

 

Por outra parte, todo o  alumnado de infantil, realizou unha actividade en  colaboración coas familias e,  mirade que Rosalías tan fermosas nos quedaron!

E ademais Isaac, Uxía e Erea  de 3º de Educación Primaria participaron no acto en homenaxe a Rosalía de Castro celebrado onte no Teatro Principal da Estrada, xunto con compañeiros e compañeiras doutros centros da Estrada.

 

 

Para rematar, queremos ensinarvos o videoclip publicado polo Concello da Estrada no que rinde homenaxe á matriarca das nosas Letras. Desta volta, quixeron facelo a través do pincel do artista multidisciplinar Cayetano Lledó, dunha fermosa elexía de Federico García Lorca escrita para a poeta padronesa un 29 de marzo de 1919 e coa cálida voz de Sheila Carbia. O talento do director estradense Lucas Terceiro foi quen de abrollar este fermoso caravel audiovisual que arrecende a melancolía, tristeza e solidariedade cos que máis sofren. 

Animámosvos a velo!

Pintor: Cayetano Lledó 

Recitadora: Sheila Carbia 

Directora de Produción: Paula Cereixo

Director: Lucas Terceiro

 

 

ESTREAMOS PATIO!!!

Hoxe estreamos no noso patio unha nova zona con columpios, tobogáns e un escalador, ata nos veu visitar Amalia Goldar concelleira de Educación do Concello da Estrada para non perderse a "inauguración" do noso patio.

Mirade que ringleiras para estrear os xogos

 

 

 

RADIOCA

Este curso escolar, retomamos unha aventura que comezaramos o ano pasado, RadiOca.

Como o seu propio nome di, trátase dun programa de radio, no que intervén todo o alumnado do centro. Os presentadores e presentadoras deste formato son os alumnos e alumnas de 6º de Ed. Primaria, participando nas diferentes seccións todo o alumnado do centro. Algunhas das seccións coas que conta este espazo son as seguintes: novidades, deportes, recomendacións lectoras, tema de actualidade, recomendacións cinematográficas, espazo musical, entre outras.

A realización deste programa require dunha planificación e investigación previa á gravación do mesmo. Así, como da presenza de diferentes técnicos que aseguren a súa correcta execución; conseguindo que os nenos e nenas desenvolvan diferentes competencias.

A continuación, amosámosvos algunha das imaxes do alumnado durante a preparación e  gravación do mesmo. 

Este primeiro programa contou cun concurso e como agradecemento, os participantes,  recibiron unha chapa, deseñada e elaborada polos seus propios compañeiros/as.

Sen máis, deixámosvos o primeiro programa para que o escoites, só tedes que clicar sobre a imaxe!!! 

Agardamos que vos guste!!!