CONTOS DE SOFÁ: SETE DENTES DE LEÓN

Onte visitounos Ángeles, a mamá de Galván. Sentou no noso sofá para contarnos un fermoso conto titulado  SETE DENTES DE LEÓN.
Moitísimas grazas familia!!! 

DÍA DO LIBRO, LECTURAS COMPARTIDAS

 A lectura é un dos aspectos máis importantes no proceso de aprendizaxe, e por iso hoxe o alumnado  realizou unha actividade de parellas compartidas cos cativos e cativas do colexio.

Os alumnos e alumnas  previamente escolleron e traballaron  un conto para contarlles aos pequechiños co cole. Durante o momento lector creouse un clima maravilloso onde o benestar de todos os nenos e nenas foi palpable, favorecendo así unha maior interacción social entre eles así como a mellorar habilidades lingüísticas.

Aquí vos deixamos unhas fotos para que vexades que momento máis fermoso!😍

 

CONTOS DE SOFÁ

 Estimadas familias, dende a biblioteca das palabras máxicas imos dar comezo a un novo proxecto: CONTOS DE SOFÁ, destinado ao alumnado de infantil.

 
Para esta actividade precisaremos a colaboración de toda a comunidade educativa:  mestres, familias... , e consistirá en vir a contar un conto na nosa biblioteca de centro. Pode ser calquer conto tendo en conto o seu valor literario-lingüístico e pedagóxico para o noso alumnado
Como vedes xa temos o sofá preparado, mesmo un libro de visitas para que nos deixedes as vosas impresións
Agardamos que participedes con moita ilusión neste proxecto!!!

 

OBRADOIRO DE INSTRUMENTOS TRADICIONAIS

Onte, o músico José Manuel López "Josele", veu ao noso centro para amosarnos e explicarnos os instrumentos que se empregan na música tradicional.

Ademais Josele, músico nado en Vedra, é o primeiro titulado da historia no Máster en Interpretación Musical no itinerario de Gaita, outorgado polo Conservatorio Superior de Música de Vigo.

A titulación deste recoñecido intérprete supón un fito histórico nos estudos académicos de gaita e supoñen a equidade da gaita con respecto a outros instrumentos cunha longa traxectoria académica, revertendo así nunha maior profesionalización dos seus intérpretes.

 

Ao rematar con este obradoiro, Josele concedeunos unha entrevista para a radio. 

Podedes escoitala pinchando sobre a seguinte imaxe! Agardamos sexa do voso agrado!

PROXECTO eTWINNING

 Ao longo destas semanas participaremos nun proxecto e-Twinning con outros países.

Aquí podedes ver as actividades que imos facendo.

 

https://www.canva.com/design/DAGf7YSQrno/8B0aPyy3Z_chnAL2nYt6rA/edit

DESPEDIMOS O SEGUNDO TRIMESTRE

Para despedir o segundo trimestre, o día estivo cargado de diferentes talleres e actividades lúdicas para poñer fin a este período do curso e dar a benvida ás merecidas vacacións.

Por unha banda, realizamos diferentes talleres: 

- Un taller artístico, no que todo o alumnado do centro, de xeito colaborativo, realizou un mural relacionado co PDI, titulado Vivamos a nosa música. Dito mural, amosarase na exposición que se realizará o Día das Letras Galegas.

- Un taller de cociña, no que os nenos e nenas elaboraron pedras de Santiago, coa súa posterior degustación. 

- E, por último, un taller de creación de marcapáxinas. 

Ademais destes talleres, realizouse unha pescuda de ovos de chocolate por todo o patio do centro.

E xa para rematar, o cole converteuse nun verdadeiro cine. Proxectáronse varias películas e os alumnos/alumnas puideron decidir cal ver en función dos seus intereses.

MIROLEO RECOMENDA

Este mes de abril, mes do libro, Miroleo aposta pola variedade, recomendando libros de  distintos xéneros e temáticas. Son todos novidades, achégate a velos!