DÍA DE ROSALÍA

Como ben sabedes, o pasado venres,  23 de Febreiro, celebrouse o Día de Rosalía. Para conmemorar dita celebración, dende o centro,  realizáronse varias actividades.

O alumnado de 5º realizou unha exposición da vida e obra de Rosalía.

Tamén demos a coñecer os finalistas do concurso de Micropoemas e Microrrelatos. Queremos dar a noraboa a  todos os participantes!

 

Por outra parte, todo o  alumnado de infantil, realizou unha actividade en  colaboración coas familias e,  mirade que Rosalías tan fermosas nos quedaron!

E ademais Isaac, Uxía e Erea  de 3º de Educación Primaria participaron no acto en homenaxe a Rosalía de Castro celebrado onte no Teatro Principal da Estrada, xunto con compañeiros e compañeiras doutros centros da Estrada.

 

 

Para rematar, queremos ensinarvos o videoclip publicado polo Concello da Estrada no que rinde homenaxe á matriarca das nosas Letras. Desta volta, quixeron facelo a través do pincel do artista multidisciplinar Cayetano Lledó, dunha fermosa elexía de Federico García Lorca escrita para a poeta padronesa un 29 de marzo de 1919 e coa cálida voz de Sheila Carbia. O talento do director estradense Lucas Terceiro foi quen de abrollar este fermoso caravel audiovisual que arrecende a melancolía, tristeza e solidariedade cos que máis sofren. 

Animámosvos a velo!

Pintor: Cayetano Lledó 

Recitadora: Sheila Carbia 

Directora de Produción: Paula Cereixo

Director: Lucas Terceiro

 

 

DÍA DE ROSALÍA DE CASTRO

 O mércores 23 de febreiro conmemoramos o día que naceu Rosalía de Castro, fai 185 anos.

Este é o primeiro ano que se celebra o día de Rosalía de Castro o 23 de febreiro e non o 24. 

O cambio prodúcese despois de que a filóloga Sagrario Abelleira revelase documentación 

que acredita que a autora de Follas Novas e Cantares Gallegos tería nacido un día coma 

hoxe. 

Coincidindo con esta celebración, no centro fixemos varias actividades na súa honra.

O alumnado de Infantil participou na decoración da pancarta.

  Logo  o alumnado de 1º. 2º e 3º leron unha pequena biografía e recitaron os primeiros

 versos de "Adiós ríos, adiós fontes" "

Por último todos xuntos, cantamos a canción "No bico un cantar" un poema de Curros 

Enríquez adicado a Rosalía de Castro. 

Pola tarde o Teatro Principal da Estrada,  acolleu un acto onde diferentes nenos e nenas 

dos centro educativos recitaron poemas  de Rosalía.

En representación do noso centro, acudiu Antón  alumno de 3º de primaria e María alumna 

de 4º de primaria. Xuntos recitaron  un poema do pomeario "A VOLTA AO LAR".

 Tamén se presentou o vídeo elaborado por Lucas Terceiro para o Departamento de cultura

LEMBRANDO A ROSALÍA DE CASTRO.

 Onte foron numerosas as actividades que se realizaron no centro en torno á figura de Rosalía de Castro.

O alumnado de Infantil, comenzou o proceso de ilustración coa lectura do poema "Has de cantar meniña gaiteira"

e logo colorearon a Rosalía

Os nenos/as de 1º de primaria  pintaron a Rosalía, na actividade E TI COMO VES A ROSALÍA?

Tamén os alumnos de  2º e 3º  , elaboraron un pequeno vídeo para conmemorar a Rosalía para participar na actividade da Asociación Vagalumes : FÁLANOS DE ROSALÍA. Todas as achegas poderanse ver na páxina www.tabeirosmontes.com

RECITADO POÉTICO ROSALÍA DE CASTRO

O pasado xoves, dous alumnos do centro: LOIS CANCELA FONTAO alumno de 4º de primaria e JAIME COUCEIRO SILVA alumno de 1º de primaria, participaron no Recitado poético homenaxeando a Rosalía de Castro. O acto tivo lugar no Teatro Principal, iniciouse cun recitado de poemas dos centros escolares da zona e logo presentouse un vídeo do realizador estradense Lucas Terceiro.

Aquí vos deixamos o fermoso vídeo, onde unha Rosalía moza abandona a súa casa  padronesa para adentrarse na paisaxe e na cultura estradense. No seu bico, o berro desesperado da soidade, o latexo abafante da emigración... Na nosa vila atopará a ollada cómplice de dous referentes do Rexurdimento, Avelina e Marcial; Marcial e Avelina Valladares; tres pioneiros repletos de compromiso, lingua e sensibilidade. Un ano máis, da man do realizador Lucas Terceiro e a música de Guadi Galego, o Concello da Estrada rende homenaxe, con este poema audiovisual á nai das nosas Letras.

https://www.youtube.com/watch?v=rmtp5xKPR0g

DÍA DE ROSALÍA. XOGOS TRADICIONAIS

O pasado venres conmemoramos o DÍA DE ROSALÍA DE CASTRO.
Primeiro os colaboradores da biblioteca prepararon este recanto no corredor do centro, con bibliografía de Rosalía de Castro,  ilustraron o poema "Adiós ríos, adiós fontes"

 Logo na biblioteca do centro o alumnado de 5º e 6º realizaron unha presentación para todo o alumnado sobre a vida e obra da autora. Xa por últimos cantáronnos un poema escrito por Rosalía e musicalizado por Amancia Prada : Campanas de Bastabales

 Foi unha xornada solleira, onde tamén puidemos xogar cos xogos tradicionais cedidos pola Asociación Acuxuve de Vedra.

DÍA DE ROSALÍA

Hoxe celebramos no colexio o Día de Rosalía de Castro, muller pioneira e muller que contou moito, e sobre todo contou en galego.

O alumnado de infantil  fixo unha actividade que lle chamamos POEMA EN ROSA, que consistiu en elaborar unhas rosas cun poema de Rosalía de Castro.

Despois na biblioteca celebramos o acto central, onde elaboramos unha presentación e o alumnado de 3º e 4º fixeron unha cronoloxía da vida e obra rosaliana

Nesta presentación fixemos alusión a algunhas mulleres que foron pioneiras no seu tempo, como por exemplo a primeira condutora de camión, a primeira almirante ou mulleres tan coñecidas como María Pita ou as Marías de Santiago de Compostela.

Tamén vos deixamos a presentación onde explicamos en que consiste o noso proxecto sobre MULLERES PIONEIRAS e MULLERES QUE CONTARON

Por último o alumnado de 6º de Educación Primaria cantáronnos un rap co coñecido poema "Adiós ríos adiós fontes"