Un ano máis o IV CONCURSO DE POSTAIS DE NADAL, foi un verdadeiro éxito.
A entrega de agasallos fíxoa o mesmo Papá Noel que nos quixo facer unha visita express antes de repartir os regalos en noiteboa
Velahí as recomendacións lectoras para o nadal coa postal gañadora de Lois.
A postal elixida para felicitar á Comunidade Educativa foi a postal de Uxía.
Hoxe tivemos unha día moi especial e con moitas sorpresas.
Visitáronnos uns Elfos chegados da mesma Laponia para recoller as cartas de Papá Noel.
A Estrada celebrou onte a súa festa poética no Teatro Principal. Un acto que se completou coa entrega do XXV Premio de Poesía Avelina Valladares que recibiu o autor Manuel López. Tras este acto, varias persoas do mundo escolar e sanitario recitaron un poema coa música de Xiana Lastra, Andrea Porto e Marcela Porto.
Do noso centro acudiron Mario de 3º e María de 4º e recitaron xuntos o poema VENTO, VENTIÑO VENTEIRO de Antonio García Teijeiro
PARA SABER MÁIS 👉FESTA DA POESÍA
O 3 de decembro conmemórase o Día Internacional das Personas con Discapacidade co obxectivo de promover os dereitos e o benestar das persoas con discapacidade en todos os ámbitos da sociedade e lograr a inclusión.
No colexio elaboramos unha actividade para concienciar a todos os nenos/as que formamos parte dunha sociedade, que cada un de nós somo unha peza dun puzzle, e que cando encaixamos as pezas dese puzzle logramos cousas maravillosas.
Un ano mais seguimos cunha das actividades de mais éxito do colexio, o IV CONCURSO DE POSTAIS DE NADAL!!!🎄🎅🎇
Poderán participar todos aqueles alumnos e alumnas do centro. De entre todas as postais escolleremos dúas, asique animámosvos a todos a participar e deixade a vosa imaxinación voar!!
Hoxe 25 de novembro conmemoramos o DÍA INTERNACIONAL DA ELIMINACIÓN DA VIOLENCIA DE XÉNERO.
Seguindo os contos que nos recomenda Miroleo dende a biblioteca, ao longo da semana foron varias as actividades. Unha delas, foi en Ed. Infantil onde os cativos e cativas traballaron sobre o conto: Hai algo máis aburrido que ser unha princesa rosa?
Ademais, hoxe no colexio coa colaboración de Gustavo, Teo, Emilio e Anxo da Asociación San Campio de Sarandón tivo lugar un obradoiro de música e baile tradicional.
Aprendemos sobre o baile tradicional, o picado e cómo facer unha roda seguindo o ritmo da muiñeira
E coas explicacións de Emilio e de Anxo coñecimos instrumentos como a requinta, a gaita, o acordeón e o tambor
A lectura é un dos aspectos máis importantes no proceso de aprendizaxe, e por iso hoxe o alumnado de 3º realizou unha estratexia de parellas compartidas cos cativos e cativas do colexio.
Os alumnos e alumnas de 3º, previamente escolleron e traballaron un conto para contarlles aos pequechiños co cole. Durante o momento lector creouse un clima maravilloso onde o benestar de todos os nenos e nenas foi palpable, favorecendo así unha maior interacción social entre eles así como a mellorar habilidades lingüísticas.
Aquí vos deixamos unhas fotos para que vexades que momento máis fermoso!😍
A semana pasada o noso alumnado participou no PROGRAMA ESCOLAR XOGADE da ecretaría Xeral para o Deporte. Despois deste paréntesis, a competición escolar zonal de campo a través volveu a Estrada, con máis de 700 estudantes dos colexios da contorna: Figueiroa, Lourdes, O Foxo, Pérez Viondi, Oca, Cabada Vázquez, Villar Paramá, CPI Aurelio Marcelino de Cuntis e o IES García Barros.
O formato cambiou para adaptarse á pandemia, polo que o alumnado correu co seu grupo aula. Os benxamíns correron 500 metros, os alevíns 1.000 metros, os infantís 1.500 metros e os cadetes 2.000 metros.
Estes foron os resultados:
