Onte tivemos unha actividade para os alumnos e alumnas de primaria sobre "o mel de Galicia".
Explicáronnos todo proceso da elaboración da mel, o traballo do apicultor, ensinounos unha colmea cos paneis e tamén nos trouxeron un pequeno agasallo para cada neno/a.
Con motivo do día do libro, o venres 23 de abril foron moitas as actividades que levamos a cabo ao longo da xornada.
Os nenos/as de Educación Infantil, foron por un día uns fantásticos contacontos e contáronnos os seus libros favoritos.
O luns 26 de abril, a actividade central para celebrar o Día do Libro foi a visita de Charo Golmar e Amalia López"Luchi" para presentarnos o seu libro "Nobelo de luz" .
Moitísimas grazas pola vosa visita, polo voso agarimo, e por encher de luz os nosos corazóns!
Ademais de colaborar no pintado do mural, os alumnos de 6º fixeron a presentación sobre o PROXECTO O CAMIÑO DE SANTIAGO.
Trátase do proxecto escollido polo equipo de Dinamización da Lingua Galega xunto coa biblioteca do centro. Este proxecto terá unha duración de dous cursos académicos, e por aulas iremos investigando, traballando, aprendedo sobre o Camiño de Santiago coincidindo co ano xacobeo.
Fixéronno por clases e adaptaron a presentación para cada unha das aulas do centro.
A mañá do pasado vernes, foi desas mañás que non houbo tempo para o aburrimento xa que estivo chea de sorpresas para os nenos/as do colexio.
Os alumnos/as de todo o centro participaron na elaboración do mural do corredor da entrada, baixo as ordes de Dani Seek.
Con motivo do DÍA DA POESÍA, actualizamos o recanto de "Miroleo recomenda" con lecturas para todo o alumnado que escolleron para a hora de ler.
Hoxe conmemoramos o DÍA DA MULLER.
Actualizamos o recanto de MIROLEO RECOMENDA...con lecturas para a hora de ler.
O alumnado de Educación Infantil, plantaron narcisos que simbolizan a vida e tamén xacintos que simbolizan o cariño. Hoxe con estas flores homenaxearon A TODAS AS MULLERES!
