Logo duns días traballando cos materiais previos que enviou ao colexio, onte visitounos a zoqueira Elena Ferro coa súa proposta didáctica "Eu son zoqueira", centrada no oficio dos zoqueiros.
Elena é a responsable do taller Eferro, en Merza, Vila de Cruces; e representa a continuidade dun obradoiro familiar activo dende 1915 recoñecido co Premio Nacional de Artesanía no 2019. O seu traballo axuda a renovar a imaxe do zoco tradicional, converténdoo nun complemento contemporáneo sen perder a súa esencia ligada á tradición rural.
Aquí vos deixamos unha mostra de todo o que nos explicou: materiais, ferramentas, partes do zoco, proceso de elaboración, usos... foi unha actividade ben interesante!
Antes de marchar, non quixemos deixar pasar a ocasión de facerlle a Elena unha entrevista en RadiOca.
Con motivo do Mes da Ciencia en Galego nas Bibliotecas, Miroleo móstranos no mural expositor unha chea de recomendacións lectoras relacionadas con diversas temáticas científicas.
Estas semanas desfrutamos da celebración do Samaín no centro. Realizamos multitude de actividades, amosámosvos:
Por unha banda, como xa é tradición, houbo exposición de cabazas e produtos de outono. Os cativos/as coa colaboración das familias, botaron man da imaxinación e crearon obras divertidísimas a vez que terroríficas.
Aquí vos deixamos unha mostra da terrorífica exposición, e dende aquí agradecer a todas as familias e alumnado por todas manualidades.VAIA ARTISTAS!!!
E mirade como temos os corredores do centro...
Tamén realizamos intercambio de postais con outros centros Plambe da contorna. Mirade como foi o proceso de creación no noso colexio e os desexos que nos enviaron dende os outros!
Dende 1997 celébrase o Día das Bibliotecas o 24 de outubro. O lema deste ano,"Sen profesionais non hai bibliotecas", quere poñer no centro ás persoas que fan posible que as bibliotecas
sexan moito máis que un simple conxunto de recursos, andeis e espazos.
Nesta
data celebramos a todas as bibliotecas, tamén ás escolares. Ese lugar polo que pasan todas as nenas e todos
os nenos do país, a primeira biblioteca que lles aprende, tamén, a usar
outras. Por iso este ano o celebramos comezando coa formación de usuarios para empregar o novo lector de código de barras e os novos carnés da nosa biblioteca!
Tamén contamos o venres 30 de outubro coa actividade "Sorrisos máxicos" do Mago Paco, un espectáculo onde se mestura a maxia co humor e coa participación do público.
Como xa recollimos en publicacións anteriores, o PDI deste curso titulado Vivamos a Nosa Música, centrouse en achegar ao noso alumnado ás raíces celtas da nosa cultura e do noso folclore, partindo do Festival Intercéltico de Lorient (punto de encontro das chamadas “nacións celtas” no que se dan cita a cultura, a música e as tradicións dos diferentes países). Demos comezo a este proxecto, coa visita de Pablo Seoane, delegado nacional deste festival.
Unha vez feitas todas as investigacións e presentacións, o pasado xoves, abrimos o centro a toda a comunidade educativa para que o alumnado puidera expoñer todo o aprendido.
Durante estas exposicións o alumnado de sexto de Ed. Primaria, actuaron de presentadores, dirixindo todo o acto.
O alumnado de Ed. Infantil, centrouse no estudo do pobo celta, coñecer como e onde vivían e a súa simboloxía.
Por outra banda, os alumnos/as de 1º,2º,3º e 4º de Ed. Primaria, expuxeron as semellanzas e diferenzas coas músicas das rexións veciñas, facendo a comparativa de idiomas, instrumentos, danzas e traxes típicos entre Galicia, País Vasco e Asturias.
Posteriormente, este alumnado interpretou Ríu Verde, canción e danza tradicional moi popular tanto en Asturias como en Cantabria.
Ademais, a continuación, cantaron e tocaron a canción popular vasca, Aldapeko.
E por último, bailaron a danza vasca, Esku Dantza.
O alumnado de 4º, 5º e 6º de Ed. Primaria, centráronse no estudo das rexións intercélticas
(Galicia, Irlanda, Escocia, Bretaña Francesa, Gales, Illa de Man e Cornualles).
En concreto, na súa localización,
idioma, música, instrumentos e vestimentas tradicionais, bailes, danzas típicas e grupos que participaron
no festival de Lorient.
A continuación, interpretaron Iris Boy, con frautas e placas.
E xa para rematar, todo o alumnado, profesorado e invitando ás familias, participaron da danza bretona An Dro.
