EXPOSICIÓN PROXECTO DOCUMENTAL INTEGRADO DE CENTRO

Mañá será o gran día no que ensinaremos ás familias todo o que investigamos sobre as mulleres pioneiras, mulleres que contaron no pasado e seguen estando moi presentes. Esperámosvos a todo@s!!

RECOMENDACIÓNS LECTORAS

Aquí vos deixamos as Recomendacións Lectoras  de verán que escollemos para o alumando.
Estas recomendacións están elaboradas coa colaboración dos seguintes centros Plambe:
-CEIP PLURILINGÜE DE OCA
- CEIP CABADA VÁZQUEZ
-CEIP DO FOXO
-CEIP PÉREZ VIONDI
-CEIP DE FIGUEROA


DESCARGAR RECOMENDACIÓNS LECTORAS VERÁN 2019

DESEXÁMOSVOS BOAS LECTURAS!!

EXCURSIÓN FIN DE CURSO

Na xornada de onte fomos de excursión ata Santiago de Compostela. Primeiro visitamos a Cidade da   Cultura; o noso percorrido comenzou coa exposición PENSAR COAS MANS onde vimos cerámicas, cestería e xoería de Galicia. A mostra ofrece unha visión renovada da artesanía, non só como gardiá de oficios en perigo de desaparecer senón formulando unha idea de futuro que fala de beleza dos materiais naturais.

A segunda exposición GALICIA COMO FÚTBOL. VALOR  E MESTRÍA. Durante este exposición vimos mais de 300 pezas dende o ano 1876 no que se data a primeira referencia do fútbol en Galicia.
Logo achegámonos ata Área Central para desfrutar en Urban Planet.

TALLER MEDIOAMBIENTAL; VIXIANTES DO RÍO ULLA

O pasado venres tivemos no centro uns talleres medioambientais para o alumnado de 3º, 4º 5º e 6º de primaria,  a cargo da Asociación Raiceiros de Vedra. Dito taller foi para a concienciación e a importancia da reciclaxe en xeral e mais particularmente do río Ulla.

 Entregáronlle un caderno para ir cubrindo,e ao seu remate envialo á súa sede para que lles fagan un carnet de vixía do río Ulla.

XORNADA DE CONVIVENCIA CO CEIP PÉREZ VIONDI

O venres pasado o alumnado de infantil e 1º de primaria desprazámonos ata o CEIP PÉREZ VIONDI da Estrada. Alí presentámonos e logo tivemos unha mañá chea de xogos. Por último o alumnado de 3 anos bailáronnos uns bailes ben fermosos. Moitas gracias pola vosa acollida.

VI FESTA DAS PALABRAS

     O próximo 4 de xuño, os escritores máis pequenos da vila recibirán os premios do VI concurso de microrrelatos e micropoemas da Festa das Palabras. A entrega de premios comezará ás 20:00 horas no Teatro Principal e os gañadores recibirán un exemplar do libro que conterá os textos gañadores e un caravel branco.

    Os exemplares do libro conterán os textos dos 61, saídos das diferentes categorías e centros implicados gañadores desta edición, ademais de 14 ilustracións realizadas polos alumnos de primaria e infantil dos sete colexios participantes

http://www.aestrada.gal/index.php/gl/43-news/novas/5547-os-pequenos-escritores-da-vila-seran-premiados-o-martes-na-festa-das-palabras














Aquí vos deixamos as fotos da festa das palabras, un fermoso acto coa escritora LEDICIA COSTAS como madriña e acompañados pola música do grupo de música tradicional Decotío

VIDEOCONECTAD@S

     O pasado xoves dentro dos actos da semana das letras galegas,  levouse a cabo unha actividade plurianual que comezamos no curso 2017/2018 e está organizada por todos os centros da Estrada.

     O noso centro preparou o contido da videoconferencia sobre o Entroido de Laza e os peliqueiros,  xa que tivemos un peliqueiro moi especial entre nos que foi o profesor de 6º curso de Primaria.

     A videoconferencia  realizouse o pasado xoves co IES nº1 e os encargados de levala a cabo foron os alumnos e alumnas de 6º curso de primaria e dirixida para o alumnado de 2º de ESO de dito centro.

CORRELINGUA 2019

O galego é a fórmula foi o lema da 19 edición do Correlingua que tivo lugar onte na Estrada. Quíxose centrar a atención na necesidade de que o galego esté presente en todas as materias do ensino e tamén no ámbito científico.
Os nenos e nenas de 3º, 4º e 6º curso do colexio acudiron á Estrada e levaron unha pancarta que simbolizaba a implicación do noso colexio na dinamización da lingua galega e tamén o alumnado levou unha pegatina na camiseta co nome das palabras que mais lle gustaban en galego.

Despois de facer un percorrido pola vila, os nenos e nenas de todos os centros, participaron nunha festa onde leron os manifestos en prol da lingua galega. O fin de festa rematou coa solta de globos por parte de todos os centros e a entrega dun diploma para o centro pola participación.

CONCERTO DIDÁCTICO

    Nesta semana das Letras Galegas, son varios os actos que temos no noso colexio. Hoxe o alumnado de 3º, 4º, 5º e 6º de primaria achegáronse ata a Estrada para asistir a un Concerto Didáctico no Teatro Principal.

     En colaboración co EDLG do CMUS Profesional de Coruña e os CEIP da Estrada, o noso alumnado  achegouse á tradición dos cantares de cego. O música Pancho Álvarez coa colaboración de Abraham Cupeiro, achegounos a unha das tradicións orais mais importantes de Galicia a través do seu disco  "Florencio, o cego dos Vilares"

     Mestres de música dos Ceip participantes musicalizaron unha estrofa coa colaboración de todo o alumnado que amenizaron a sesión.

     Na 1º parte do concerto Abraham Cupeiro explicou a orixe dos instrumentos de vento, e tamén un dos mais importantes da nosa contorna que é a corna.

     Na 2º parte Pancho Álvarez explicou os instrumentos do Pórtico da Gloria como son o organistrum, a arpa ou a cítara entre outros.

Día do libro

Onte foi un día moi especial; foi o DÍA DO LIBRO.
No noso centro tivemos algunhas actividades para conmemorar dita data. Pola mañá os padriños e as madriñas lectoras leéronlle un conto a súa parella durante a hora de leer.

Pola tarde tivemos a visita de Rosalía Morlán, unha muller que ten moito que contar,  que nos encheu de ledicia pero sobre todo de poesía. A poesía que nace do sentimento e de palabras moi importantes para o noso alumnado como solidaridade, tolerancia, paz...
Moitisimas gracias Rosalía polo teu agarimo e as túas verbas que de seguro o noso alumnado non esquecerán!