DÍA DE ROSALÍA

Hoxe celebramos no colexio o Día de Rosalía de Castro, muller pioneira e muller que contou moito, e sobre todo contou en galego.

O alumnado de infantil  fixo unha actividade que lle chamamos POEMA EN ROSA, que consistiu en elaborar unhas rosas cun poema de Rosalía de Castro.

Despois na biblioteca celebramos o acto central, onde elaboramos unha presentación e o alumnado de 3º e 4º fixeron unha cronoloxía da vida e obra rosaliana

Nesta presentación fixemos alusión a algunhas mulleres que foron pioneiras no seu tempo, como por exemplo a primeira condutora de camión, a primeira almirante ou mulleres tan coñecidas como María Pita ou as Marías de Santiago de Compostela.

Tamén vos deixamos a presentación onde explicamos en que consiste o noso proxecto sobre MULLERES PIONEIRAS e MULLERES QUE CONTARON

Por último o alumnado de 6º de Educación Primaria cantáronnos un rap co coñecido poema "Adiós ríos adiós fontes"

EXCURSIÓN A CORUÑA

O pasado xoves todo o alumnado do Ceip de Oca fomos de excursión a Coruña. A nosa visita consistiu en visitar o Planetaria e a Casa das Ciencias, a Casa do Home e o Acuario.
Foi unha excursión fermosísima!!

CARREIRA SOLIDARIA POLA PAZ

Onte tivemos unha tarde solleira para celebrar a carreira solidaria pola Paz.O alumnado dende os mais pequenos ata os máis maiores, mesmo os mestres pasamos unha tarde ben bonita, animando aos compañeiros e compañeiras e  recordando que non había gañadores nin perdedores que o importante era pasalo ben e disfrutar coa carreira!

DÍA DA MULLER E DA NENA NA CIENCIA

O 13  de febreiro celebrouse o DÍA DA MULLER E DA NENA NA CIENCIA. No noso colexio quixemos rendir unha pequena homenaxe a grandes mulleres e nenas que fixeron cousas e indagacións realmente importantes. Dende novembro no noso colexio o alumnado de 6º leva facendo pequenas investigacións sobre mulleres na ciencia.

Tamén vos queremos ensinar un artigo sobre mulleres sabias da terra, MULLERES QUE CONTARON CIENCIA EN GALEGO

https://portaldaspalabras.gal/lexico/setestrelo/dia-da-muller-e-a-nena-na-ciencia/

Pola esquerda e de arriba a abaixo, Ángela Ruiz Robles, Aida Fernández Ríos, María Wonenburger, Jimena Fernández de la Vega, Antonia Ferrín, Olimpia Valencia, Ángeles Alvariño e Elisa Fernández de la Vega.

OBRADOIRO DE RISOTERAPIA

Durante o mes de xaneiro a cargo da Asociación Acrofam ( A Estrada) levou a cabo no noso centro unhas sesións de risoterapia dende infantil ata 1º de primaria con Baia Fernández. Con  Carlos Vila  dende 3º ata 6º de primaria
          En infantil  e 1º de primaria traballaron en tres sesións. En ditas sesións traballaron obxectivos como o concepto rirse de min- rirse conmigo, traballaron a confianza en sí mesmos e noutras persoas sempre con xogos e actividades para traballar cada obxectivo. Pero sen dúbida o que mais claro lle quedou ao noso alumnado foi que a  A RISA MELLORA A MIÑA SAÚDE, MENTAL, EMOCIONAL E FÍSICA.

         En 3º e 4º de primaria realizaron dúas sesións sobre as similitudes e diferencias entre homes e mulleres, fixeron moito fincapé en tomar conciencia de que nenos e nenas ante todo son persoas. Tamén abordaron os medos e preocupacións nun río imaxinario.

         En 5º e 6º de primaria levaron a cabo dúas sesións. Durante a primeira sesión realizaron unha rolda de preguntas para saber as inquedanzas e o carácter do alumnado. Tamén realizaron un río para indagar sobre os seus medos, preocupacións, sentimentos...
Durante a segunda sesión Carlos facía unha pregunta ao alumnado e logo o alumnado a él, todo para recadar información sobre o autoconcepto e a autoestima.





     

CAMIÑANDO NO PROXECTO MULLERES QUE CONTARON

En novembro xa vos presentamos como quedara a entrada do colexio e a biblioteca...

Agora seguimos decorando o interior da biblioteca e atopamos un abecedario na rede feito por Manu Arranz e que podedes atopar neste enlace:

https://www.domestika.org/es/blog/1765-el-alfabeto-que-homenajea-a-grandes-mujeres-de-la-historia?fbclid=IwAR36Tl7A0_2a4XGz0_N3jKd6QNGH41e90B0uxiGtNUkjVowLaujucg05pKI&utm_campaign=blog_alfabetomujeresFB&utm_medium=referral&utm_source=facebook

Mirade que bonitas temos as ventás coas grandes mulleres da nosa historia

DÍA DA PAZ

O pasado xoves conmemoramos no noso centro o día da paz. Ao longo de toda a semana o Equipo de Normalización fixo unha adaptación do conto o homiño de papel e transformouno no conto A MULLERIÑA DE PAPEL en homenaxe ó noso proxecto Mulleres que contaron.

Pola tarde todos xuntos fixemos unha pomba da paz e cantamos a canción" CANTAROLA DOS NENOS" cunha letra extraída do libro Cantarolas de Anisia Miranda e Xosé Neira Vilas

 E por último como levamos facendo varios anos, repartimos as mochilas viaxeiras que os titores prepararon con moito agarimo para o alumnado. E estes foron os alumnos e alumnas e inauguraron as mochilas viaxeiras deste curso.