SAÍDA Á CASA DAS LETRAS E A RADIO ESTRADA

O martes 29 de novembro saímos toda a escola para coñecer como se fai un programa de radio en directo. Ademais visitamos a Casa das Letras, que é a biblioteca municipal da Estrada. Ensináronnos o seu funcionamento e o uso de cada unha das dependencias.

MAGOSTO E XOGOS POPULARES

O venres 28 de outubro celebramos o Magosto.  Realizamos unha xornada de XOGOS POPULARES, de MÚSICA TRADICIONAL e unha degustación de SOBREMESAS CASEIRAS elaboradas con produtos de tempada. 

Contamos coa asistencia e colaboración de nais e pais e algún avó e avoa. 

ENCONTROS CO AUTOR: MIGUEL ÁNGEL ALONSO DIZ

 O día 19 de maio tivemos a sorte de ter no noso centro a MIGUEL ÁNGEL ALONSO DIZ, autor de libros que tanto nos gustan como "A NENA Á QUE NON LLE DEIXABAN SER FELIZ", "O CULLARAPO CROQUE", "O SOÑO DE ESTHER" E "O VALENTE COELLO QUE QUIXO SOÑAR".

Pasámolo en grande ao seu lado, escoitando historias, aprendendo como é o proceso de facer un libro pero sobre todo ... descubrindo o importante que son os nosos SOÑOS e que sempre temos que ter a valentía de perseguilos ata acadalos!

MOITAS GRAZAS MIGUEL POR COMPARTIR CON NÓS UN DÍA INESQUECIBLE!!!

LECTURAS COMPARTIDAS E MERCADO DE LIBROS

Que ben senta que nos conten un conto, verdade??? Na nosa biblioteca somos bos coñecedores disto, por iso este ano, para celebrar a SEMANA DO LIBRO, imos participar nunhas sesións de LECTURAS COMPARTIDAS ....
Ademáis, tamén teremos un MERCADO DE LIBROS (xoves e venres)!!!
ÚNETE Á FESTA DOS LIBROS!!!

MIRADE QUE MURAL MÁIS FERMOSO FIXERON OS NENOS E NENAS DE 4 E 5 ANOS COA SÚA PROFE KIKA!!! A QUE LLES QUEDOU MOI BEN?? QUE FORMA MÁIS BONITA DE LEMBRARNOS DESTES DÍAS !!!

E saímos no xornal:

http://www.lavozdegalicia.es/noticia/deza/2016/04/22/dia-libro-colegio-oca/0003_201604D22C11996.htm


http://www.farodevigo.es/portada-deza-tabeiros-montes/2016/04/22/aventuras-fuera-libro/1446574.html

III CONCURSO DE MICROPOEMAS E MICRORRELATOS

Xa temos os gañadores/as do noso centro do Concurso de Micropoemas e microrrelatos ...

- MIGUEL ANXO
- XIÁN
- HUGO
-XULIÁN
- ANTÍA
-DIEGO

NORABOA AOS GAÑADORES E GAÑADORAS PERO TAMÉN NORABOA A TODOS OS /AS QUE PARTICIPARON!!!

QUEREMOS FACER TAMÉN UNHA MENCIÓN ESPECIAL A MARÍA (3 ANOS) E UXÍA (5 ANOS) QUE FORON AS GAÑADORAS DAS ILUSTRACIÓNS !!!

HOXE OS XOGOS OLÍMPICOS ESTÁN DE ANIVERSARIO!!!

Hoxe fai 120 anos dos primeiros XOGOS OLÍMPICOS modernos!! Celebráronse en Grecia e participaron 241 atletas masculinos (non houbo participación feminina) de 14 países. Celebráronse no Estadio Panathinaikó.
Desde entón, cada catro anos, deportistas de todos os países reúnense para competir entre eles.


CERIMONIA DE APERTURA DOS PRIMEIROS XOGOS OLÍMPICOS MODERNOS




LEMBRANZA DE GOOGLE AO 120 ANIVERSARIO

ÉRASE UNHA VEZ (febreiro)

No mes de febreiro tivemos moitas visitas: Susana , a nai de Xulia, contounos " El erizo se va de casa", Mónica e Manolo, os pais de María contáronnos "Los 5 guisantes" e despois viñeron Pura e Isa, as mamás de Marta e Xiana para contarnos "Amelia quere un can".