Esta semana o alumnado de 5º de Ed. Primaria encargouse de dinamizar os momentos lectores dos máis cativos do cole. Os maiores acudiron as aulas de Ed. Infantil para narrar contos de Nadal.
Unha experiencia que desfrutaron moito, tanto os contacontos, como o público!
Un ano máis seguimos cunha das actividades de mais éxito do colexio, o VII CONCURSO DE POSTAIS DE NADAL!!!🎄🎅🎇
Poderán participar todos aqueles alumnos e alumnas do centro. De entre todas as postais escolleremos dúas, asique animámosvos a todos a participar e deixade a vosa imaxinación voar!!
E aquí tedes todas as fermosísimas postais. Foi ben complexo escoller dúas entre todas
- Isaac para a portada das recomendacións lectoras.
- Adrián para a felicitación á comunidade educativa.
.jpg)
Onte celebrouse a vixésima oitava edición do Premio Avelina Valladares, por este motivo, dúas alumnas do centro, Allegra e Xiana, acudiron a este xa consagrado e coñecido recital de poesía, xunto con nenos e nenas doutros centros do concello.
Neste caso, escolléronse dous poemas da escritora Rosalía Morlán para ser recitados e compartidos con todo o público alí presente.
O alumnado de sexto de Ed. Primaria comezou a realizar intercambios cos alumnos/as do CEIP do Foxo dende a materia de Inglés. Cada certo tempo e co fin de poñer en práctica todo o traballado e aprendido na aula, intercambiaranse vídeos, postais, retos...
A continuación, amosámosvos un dos primeiros intercambios, neste caso uns vídeos de presentación. Animámosvos a velos!
Tal e como se recollía na entrada anterior, o mércores, realizamos obradoiros científicos dentro do Plan de Mellora de Bibliotecas Escolares (PLAMBE) co fin de impulsar o MES DA CIENCIA EN GALEGO.
A continuación, amosámosvos algún dos experimentos realizados durante esta xornada polo alumnado de Primaria. Todos eles, acompañados das explicacións necesarias para que o alumnado comprendese os principios científicos que os sustentan.
.jpg)
.jpg)
.jpg)
Ao longo do mes de novembro dende o Plan de Mellora de Bibliotecas Escolares (PLAMBE) impulsamos o MES DA CIENCIA EN GALEGO NAS BIBLIOTECAS
Contamos co Equipo de Arenaria https://arenariacoordinacion.com/ e primeiro dos obradoiros foi en Educación Infantil. Comenzaron cun experimento sobre o osíxeno
Logo cada neno fixo un experimento similando un volcán
E por último o experimento sobre as cores primarias
A continuación, amosámosvos todas as actividades levadas a cabo dende o centro para conmemorar o 25 N, Día Internacional para a Eliminación da Violencia contra a Muller.
Por unha banda, as alumnas de Proxecto Competencial de 1º e 2º de Ed. Primaria coa colaboración do alumnado de quinto, prepararon e gravaron o audioconto Arturo e Clementina.
Por outra parte, os maiores do cole realizaron un taller para crear lazos morados que repartiron a todos os compañeiros/as.
A continuación, amosámosvos a entrevista que o alumnado de terceiro e cuarto de Ed. Primaria realizou ao artista Mondra.
Dentro do noso proxecto de centro "A música tradicional na nosa contorna" comezamos con esta interesantísima entrevista que foi realizada despois de varios talleres que xa amosamos no blogue.
Invitámosvos a vela!!!
Hoxe 20 de novembro, para conmemorar o día dos dereitos da Infancia e Adolescencia, e en colaboración coa Asociación Acougo propóñennos que veñamos en pixama ao cole!! É para representar o momento da intimidade familiar da hora de ir a durmir, nun fogar calquera. Con esta iniciativa preténdese facer énfase na importancia do Acollemento Familiar para garantir o dereito de vivir en familia dos nenos, nenas e adolescentes.
