Aquí vos deixamos as recomendacións lectoras para este verán que realizamos conxuntamente entre os centros PLAMBE da contorna:
- CEIP PLURILINGÜE DE OCA
- CEIP DO FOXO
- CEIP CABADA VÁZQUEZ
- CEIP PÉREZ VIONDI
- CEIP DE FIGUEIROA
FELIZ VERÁN E MOOOI BOAS LECTURAS
O pasado venres despedimos a Ruthie, a nosa auxiliar de conversa.Foi unha experiencia maravillosa poder contar con ela durante estes 2 cursos
Grazas Ruthie
Last Friday we said goodbye to Ruthie, our conversation assistant. It was a wonderful experience to be able to count on her during these 2 courses.Thank you Ruthie
O pasado venres 29 de maio, os alumnos e alumnas de 1º, 2º 3º e 4º Ed. Primaria xunto cos centros da comarca, foron á Estrada ao CORRELINGUA.
MANIFESTO DO CORRELINGUA👉https://correlingua.gal/noticias/manifesto-correlingua-2026-co-galego-no-corazon-facemos-revolucion/
No Teatro Principal da Estrada celebrouse unha nova edición do concurso de microrrelatos e micropoemas que cada curso académico promoven desde Dinamizaestrada. Nesta Festa das Palabras houbo entrega de recoñecemos aos sesenta textos escollidos, que conforman un libro no que tamén hai ilustracións feitas polos nenos. Unha iniciativa en torno ás Letras Galegas no que exerceu de padriño literario Xosé Lueiro, e música con Gloria Pavía e Rafa Morales.
Nesta décimo terceira edición participaron arredor de 200 finalistas, dos que 60 resultaron premiados entre Educación Primaria, Secundaria, Bacharelato e Formación Profesional. O certame, centrado na creación de micropoemas e microrrelatos, pretende fomentar o uso do galego e reforzar o compromiso coa lingua entre a comunidade escolar, un dos piares fundamentais do proxecto.
Hoxe tivemos un obradoiro vivencial que achegou ao noso alumando ao oficio da olería tradicional a través da experiencia directoa co barro, a demostración do torno e a reflexión sobre o patrimonio cutlural.
Dende o pobo de Buño (un dos pobos galegos referentes deste oficio), achegáronse Olalla Trigo e Fran Gorín, mestres oleiros, para introducirnos no mundo da olería.
.jpg)
Tamén tivemos a exposición "SEN ELAS NON HAI OLERÍA", onde recoñecimos o papel invisibilizado das mulleres na transmisión e sostemento deste saber.
E por último tivemos un obradoiro práctico de moldeado e modelado, onde cada neno/a creou unha peza.
.jpg)
Hoxe para celebrar o DÍA DA POESÍA visitounos Xosé Luna: mestre, escritor e activista cultural do noso concello.
Presentounos o seu novo libro adicado a Avelina Valladares, que, con motivo do bicentenario da poeta estradense,a editorial Galaxia publicou recentemente toda a poesía da Cantora do Ulla , a Obra poética. Avelina Valladares Núñez.
Xosé é un gran divulgador sobre a figura de Avelina Valladares e ensinoulles moitas curiosidades como que foi pioneira da literatura galega e destacou como unha das primeiras mulleres en escribir artigos de opinión para a prensa e pioneira tamén en empregar o galego nos seus poemas.
Para o noso alumnado, Xosé Luna é un dos escritores de referencia, xa que ao longo do curso adoitan ler as súas obras e mesmo empregan os seus poemas para as diferentes conmemoracións do colexio.
Tamén o alumnado recitou os seus poemas que elaboraron para a XIII edición de MICROPOEMAS E MICRORELATOS.
Dentro das actividades programadas para conmemorar O DÍA DA MULLER, tivemos unha visita moi especial: a mamá de Lía e Ara xunto coa súa compañeira do servizo de diálise de Lalín explicáronlle ao alumnado o funcionamento renal así como a importancia dos hábitos saudables para previr doenzas futuras.
Ademais o alumnado de 6º elaborou un tríptico sobre hábitos saudables e a importancia de coidarnos que tamén se enviou ás familias.
