Para conmemorar esta data realizáronse varias actividades. Por unha parte, o alumnado de 1º e 2º de Primaria, crearon o Mural do bo trato. Entre todos/as elaboraron un mural con palabras e expresións amables, reflexionando sobre a importancia das mesmas.
Tamén participamos no XXIX Premio de Poesía Avelina Valladares. En concreto, tres alumnas de 2º e 3º de Ed. Primaria, Carolina, Xiana e Allegra, acudiron a este encontro en torno á poesía, recitando uns poemas de Xosé Luna recollidos no libro Viaxando Viaxando.
Como xa é tradición no noso centro, o pasado 27 de novembro, participamos na mostra de teatro Olimpio Arca Caldas, xunto con outros centros do concello. Neste caso, a obra escollida para interpretar foi "O segredo do Xabarín". O alumnado de 4º, 5º e 6º de Ed. Primaria fixo un percorrido pola historia deste coñecidísimo programa, incorporando as cancións máis coñecidas e tan presente na memoria de todos/as nós.
Aquí, vos deixamos un pequeno fragmento da obra. Convidámosvos a vela completa no Festival de Nadal!
Para celebrar o mes da ciencia, recibimos na nosa biblioteca, a Toupiciencia e o seu axudante Protonio, quen a partir de divertidos e dinámicos experimentos foron demostrando diferentes principios científicos, coa axuda do noso alumnado.
.JPG)
Un ano máis seguimos cunha das actividades de mais éxito do colexio, o VIII CONCURSO DE POSTAIS DE NADAL!!!🎄🎅🎇
Poderán participar todos aqueles alumnos e alumnas do centro. De entre todas as postais escolleremos dúas, asique animámosvos a todos a participar e deixade a vosa imaxinación voar!!
Novembro, mes da Ciencia en Galego nas Bibliotecas, Miroleo recomenda diversos libros de experimentos e curiosidades científicas co fin de pór en práctica todo o lido e comezar a experimentar!
A pasada semana, desfrutamos da celebración do Samaín no centro. Realizamos multitude de actividades, amosámosvos:
Por unha banda, como xa é tradición, houbo exposición de cabazas e produtos de outono. Os cativos/as coa colaboración das familias, botaron man da imaxinación e crearon obras divertidísimas a vez que terroríficas.
.jpg)
A maiores, intercambiamos postais de Samaín cos centros da nosa contorna.
Ademais, durante a xornada do xoves, os nenos/as puideron participar en dous talleres: contacontos terroríficos en inglés e creación de monstros, empregando materiais de refugallo.
.jpg)
.jpg)
.jpg)
.jpg)
.jpg)
.jpg)
.jpg)
Contaron tamén cun photocall!
Unha das tarefas dos colaboradores da biblioteca é realizar os préstamos e devolucións de libros. Cada luns, estes alumnos/as acoden á biblioteca e realizan esas funcións, para que os máis cativos desfruten das lecturas nos seus fogares. Ademais, encárganse de facer as recomendacións oportunas!
O noso mural expositor está cheo de recomendacións lectoras relacionadas coa temática de Samaín.
Achegádevos a velas!
Hoxe, 24 de Outubro, Día das Bibliotecas Escolares, contamos cun espectáculo de títeres e contacontos, da man de Tarabelos. Unha animación dirixida a todo o alumnado do centro, da que desfrutaron moito todos os cativos e cativas!
Continuamos cunhas novas entregas da nosa participación no programa O Termómetro da TVG.
A continuación, ensinámosvos o resultado!
Durante esta xornada, o alumnado de 5º e 6º de Ed. Primaria, acudiron a unha videoconferencia impartida polos especialistas de A.E.A.E.(Asociación Española para a prevención do Acoso Escolar), centrada nas estratexias para previr e combater o acoso escolar. Esta charla contou tamén coa colaboración de Eloi Moreno, autor de Invisible e Redes, dúas novelas que abordan dita temática.
