DÍA DE ROSALÍA DE CASTRO.

Dende hai nove anos o Concello da Estrada conmemora o 23 de febreiro como Día de Rosalía cun acto público para celebrar o aniversario do nacemento desta escritora, referente universal da cultura galega. Neste 2026  os alumnos de catro escolas infantís estradenses  protagonizan este vídeo, apostando por incorporar este segmento poboacional tan novo no legado e tributo que se lle rende á autora de Cantares gallegos. 

 Os actos do Día de Rosalía na Estrada desenvolveranse este ano o propio 23 de febreiro. Deste xeito, o Teatro Principal acolleu hoxe un evento aberto ao que están convidados os dez centros educativos de primaria e secundaria e a actividade consitiu no recitado de dous poemas de Rosalía .

En representación do noso centro acudiron Uxía, Erea e Lía 

 

VISITAMOS RADIO PONTEVEDRA

Hoxe, 23 de Febreiro, celebramos o Día de Rosalía de Castro, por iso, o alumnado de 3º, 4º, 5º e 6º de Ed. Primaria, acudiron a Radio Pontevedra co obxectivo de participar nun programa en directo dedicado a esta figura. Ademais de participar neste programa, para o cal realizaron unha investigación previa, coñeceron as instalacións e participaron nun taller de gravación. Tamén, coñeceron a Orbil, a mascota do Salón do Libro Infantil e Xuvenil de Pontevedra.

 

Podedes escoitar o programa enteiro  clicando aquí. 

A continuación, amosamos algunha imaxe máis da visita!

 

MIROLEO RECOMENDA

Este mes de Febreiro, Miroleo recomenda lecturas relacionadas con Rosalía de Castro e con todas as formas de amor!

Animámosvos a lelos!

VISITA DE PABLO SEOANE

Esta semana recibimos a visita de Pablo Seoane. Pablo é un polifacético artesán que leva décadas impartindo clases de música tradicional, actuando, creando instrumentos tradicionais no seu taller e dando a coñecer a artistas no Festival de Lorient, pois é o delegalo nacional deste festival. Foi precisamente por esta última labor, pola cal acudiu ao centro.

Este ano, o PDI do colexio, Vivamos a nosa música II, céntrase no estudo das músicas de orixe celta, representadas na súa totalidade neste festival. Este artista falounos da importancia do mesmo, da súa labor nel e das peculiaridades das diferentes músicas alí representadas e interpretadas. 

En definitiva, un achegamento ao Festival por parte de quen mellor o coñece. Ademais, antes de irse o alumnado de sexto tivo a oportunidade de facerlle unha entrevista. Animámosvos a escoitala! 

https://www.edu.xunta.gal/centros/ceipoca/galeria/thumbnails.php?album=46

Continuaremos investigando sobre esta temática!

MOCHILAS VIAXEIRAS

Como todos os anos, dispuxémonos ao reparto das mochilas viaxeiras, ditas mochilas van cargadas  de materiais interesantísimos para que os alumnos/as desfruten no seu fogar acompañados das súas familias.  Nelas atópase: narrativa en castelán, galego, xogos, cómics, poesía...

Agardamos que desfrutedes moito mergullándovos nas diferentes lecturas!

ENTROIDO

💥💥💥 Familias, neno@s e mestres...chegou a época do ano máis divertida...O ENTROIDO🎭 e para iso o MECO DE OCA tráenos unhos mandatos para pasalo moi ben... mirade, mirade 👇

 

 

NOVIDADES

 Nenos e nenas xa van chegando á nosa biblioteca as novidades para este curso.

Esperamos que disfrutedes tanto como disfrutamos o equipo de biblioteca escolléndoas e atendendo as todas as vosas peticións.

BOAS LECTURAS 😍😍😍😍!!! 

  

DÍA ESCOLAR DA NON VIOLENCIA E DA PAZ

O pasado venres, 30 de Xaneiro, celebrouse o Día Escolar da Non Violencia e da Paz. Para dita conmemoración, realizáronse varias actividades.

Comezouse cunha presentación por parte do alumnado de 5º de Primaria, nesta recollíase o motivo desta celebración,  personaxes, feitos importantes e frases célebres.

Continuouse co alumnado de 6º de Primaria, quenes recitaron o poema O sol da estrada da Vida, obra do escritor estradense Xosé Luna.

De seguido, todo o alumnado fixo voar as súas pombas da paz. Unhas pombas deseñadas e creadas previamente, que intercambiaron durante esa xornada.

Por último, alumnado e profesorado, interpretaron a canción Campás pola Paz.

Para rematar, destacar que durante os recreos desta semana, dende a biblioteca levouse a cabo un taller de deseño de pulseiras para intercambiarlas durante o Día da Paz, fomentando así a xenerosidade e compañeirismo entre o alumnado. 

MIROLEO RECOMENDA

Xaneiro, mes no que se conmemora o Día Escolar da Non Violencia e da Paz, no mural expositor da biblioteca atoparedes moitos libros relacionados con esta temática.

Animámosvos a lelos!

CHARLA PLAN DIRECTOR

Para dar comezo a este segundo trimestre, o alumnado de 5º e 6º de Ed. Primaria, recibiron unha charla por parte dunha axente da Garda Civil, enmarcada dentro do Plan Director, na que se abordaron temas moi importantes como o acoso escolar, factores de risco e ciberseguridade. 

FESTIVAL DE NADAL

A continuación, deixámosvos algunhas imaxes do Festival de Nadal, que contou con diversas actuacións: panxoliñas, obras de teatro e bailes. 

Unha xornada moi entretida que dou paso ás merecidas vacacións de Nadal. Ademais, para despedir o trimestre contamos cunha visita moi especial, Papá Noel, acudiu ao centro para saudar ao alumnado e darlles un pequeno agasallo. 

VIII CONCURSO DE POSTAIS DE NADAL

Con motivo das  festas de Nadal, no noso centro puxemos en marcha o VIII concurso de postais co obxectivo de escoller a imaxe que representará os bos desexos do colexio para toda a comunidade educativa e para as distintas entidades que colaboran connosco ao longo do curso.

O alumnado participou con moita ilusión nesta iniciativa, achegando propostas cheas de creatividade, cor e mensaxes de esperanza.

De entre todas, moi elaboradas,  o EQUIPO DE BIBLIOTECA escolleu dúas:

Unha das seleccionadas será a encargada de acompañar as felicitacións que enviaremos nestas datas tan especiais, para desexar unhas boas festas. A postal escollida foi a de SOFÍA CANICOBA GESTOSO, alumna de 2º de Educación Primaria.

 

A outra postal seleccionada foi a de MIGUEL CIMADEVILA GARCÍA, para as recomendacións lectoras elaboradas polos centros Plambe da Estrada.