MAGOSTO E SAMAÍN

 Prezadas familias, estes días tivemos no colexio a gran exposición de manualidades de outono.Agradecer as familias o seu esfrozo e creatividade.

A Anpa entregou a todos os participantes nesta actividade un pequeno agasallo

Hoxe festexamos o magosto e o Samaín e visitáronnos os bolechas,

 

 

Logo tivemos a representación dunha obra de teatro escrita  polo alumnado de 5º e 6º de Educación primaria

 

 

 e tamén un pequeno concerto dalgúns dos integrantes do grupo de acordeóns   Os Lóstregos da Estrada.

 

Tamén nos visitou Amalia Goldar concelleira de educación do Concello da Estrada e Gonzalo Louzao, alcalde da Estrada.

E por último a degustación de castañas e chocolate con churros

 Ao longo desta semana, tamén realizamos o intercambio de postais de Samaín cos centros da Estrada

PLAN DIRECTOR

Durante a pasada xornada, o alumnado de 5º e 6º de Ed. Primaria,  recibiu dúas charlas recollidas dentro do Plan Director. Un garda civil acudiu ao centro para falarlle ao alumnado sobre acoso escolar, tipos de acoso e ferramentas para previlo; ademais de abordar a problemática da violencia de xénero. 

Trátase de charlas adaptadas a súa idade que lle permiten concienciarse sobre problemas actuais, saber actuar ante os mesmos e ir desenvolvendo  unha conciencia  crítica.

TALLER DE COCIÑA TERRORÍFICA

Cada vez queda menos para a celebración do Samaín, por este motivo, o alumnado de 6º de Ed. Infantil, 1º e 2º de Ed. Primaria animáronse a realizar un taller de cociña terrorífica. En concreto, fixeron galletas de manteiga con formas de arañas, pantasmas, monstros... todo relacionado ca temática. 

A presentación era magnífica pero o sabor aínda mellor!!!

DÍA DAS BIBLIOTECAS ESCOLARES

Hoxe 24 de outubro, celebramos o DÍA DAS BIBLIOTECAS ESCOLARES, e por este motivo, visitounos o artista galego MONDRA, para dar comezo ao noso proxecto sobre a MUSICA TRADICIONAL.

Martín Mondragón, coñecido musicalmente como Mondra, é un artista teense, que o pasado maio recibiu o premio Martín Códax na categoría Electrónica. Nova estrela do trad, un xénero que se inspira na música tradicional galega e a converte nun son actual. 

Durante esta xornada todo o alumnado participou en dous obradoiros sobre o baile máis importante de Galicia, a muiñeira, "Tempo de troupelear"; peza de música tradicional que cantaban os nenos e as mulleres no momento de mazar o liño. Mondra ten unha versión desta peza e  quixo compartir con nós o seu baile, ao carón da súa voz acompañado da pandeireta. Asemade coñeceron a súa traxectoria e distintas curiosidades do mundo da música actual. Uns talleres moi interesantes para que o alumnado, entenda a importancia de visibilizar a nosa música e a nosa cultura.

Para finalizar, despois dos talleres, o alumnado tivo a oportunidade de facerlle unha entrevista ao artista, publicarase moi pronto neste blogue para que toda a comunidade educativa disfrutedes do seu visionado. 

A maiores reparteuse o caderno viaxeiro As Nosas Cantigas, espazo no que as familias recollerán cantigas, adiviñas, refráns... calquer relato oral da zona. Trátase dun traballo de memoria, que lle permitirá ao alumnado seguir afondando na tradición da contorna.