GALICIA SABE A MAR

Durante a pasada xornada tivemos no colexio a actividade "Galicia Sabe a mar," iniciativa da Xunta de Galicia, concretamente, da Consellería do Mar.

Trátase dunha campaña para incentivar  o consumo de produtos do mar, a través dunha foodtruck que reparte tapiñas de diferentes produtos procedentes do mar. As tapas que probou o noso alumnado foron as seguintes: 

- Humus de fabas de Lourenzá, con mexilón da ría en galleta mariñeira. 

- Croqueta de chopo da ría con alioli.

Tedes máis información e receitas no seguinte enlace https://galiciasabeamar.gal/

MIROLEO RECOMENDA

Achégate a coñecer todas as recomendacións lectoras relacionadas co Día da Paz!

FESTIVAL DE NADAL

O noso festival de Nadal estivo repleto do magníficas actuacións protagonizadas por todo o alumnado do centro. Gozamos coas súas panxoliñas, obras teatrais, interpretacións musicais e bailes. Ademais recibimos unha visita do máis especial, o mesmísimo Papá Noel acudiu ao noso centro, cheíño de agasallos!

A continuación, amosámosvos algúns vídeos e fotografías destes espéctaculos. 

Agardamos que vos gusten!!

VII Mostra de teatro escolar Olimpio Arca Caldas

A  Asociación Cultural “Vagalumes”, con motivo da conmemoración do aniversario de  Olimpio Arca Caldas e dentro do seu compromiso coa continuidade do seu labor de renovación pedagóxica e dinamización cultural, presentamron a VII Mostra de Teatro Escolar  que leva o nome do homenaxeado. 

As xornadas celebráronse no Teatro Principal da Estrada durante os días 26 e 27 de novembro ás 18:30 h, co seguinte programa:

Martes,  26 de novembro, ás 18:30 h:

• CEIP do Foxo: "Xoana a sombra bulebule"
• CEIP Figueiroa: “Bailamos ?”
• CEIP Villar Paramá: “FERMOSA”.
• CEIP Oca: "O Mago de Oca"
• IES Avelina Valladares: - “O Tesouro do Castro”.

Mércores, 27 de novembro, ás 18:30 h:

• CEIP Cabada Vázquez: "Porque o valgho eu!"
• CEIP Pérez Viondi: “ A bolboreta Arlequina”
• IES Antón Losada Diéguez: "A vida é un cásting"
• IES Manuel García Barros: "Wombo Combo"

Sen dúbida, o teatro na escola é unha actividade moi importante para o desenvolvemento persoal e emocional do alumnado, idóneo para mellorar a  capacidade comunicativa, para fomentar actitudes solidarias e de traballo cooperativo, para incrementar a creatividade e o sentido estético, para mellorar a integración no grupo e ao mesmo tempo avanzar na autonomía persoal... 

Aquí tedes os vídeos de todas as actuacións  https://www.tabeirosmontes.com/novas/vii-mostra-de-teatro-escolar-olimpio-arca-caldas-en-video