A semana pasada celebrouse a Semana da Prensa.
Dende o noso centro, o alumnado de 5º e 6º de Ed. Primaria, traballan cos xornais semanalmente dende comezo de curso. Todos os mércores e grazas ao Programa Prensa- Escola, recibimos un xornal para cada neno. Así, ese día, traballamos coas noticias que nos parecen máis relevantes, analizándoas, permitindo que o alumnado exprese a súa opinión e xerando debates en grupo, co fin de desenvolver no alumnado un sentido crítico.
A maiores, durante esta semana, realizamos diferentes actividades de análise de noticias para comprobar a súa veracidade. O alumnado debía determinar se as noticias presentadas eran verdadeiras ou falsas. Trátase de que comecen a adquirir habilidades e coñecementos que lle permitan cribar toda a información que reciben.
Continuaremos coa lectura de xornais durante todo o curso, empregándoos con diferentes propósitos.
No hay comentarios:
Publicar un comentario