CONTOS DE SOFÁ

Onte comenzamos a actividade dos contos de sofá. A nosa convidada foi a profe Vanessa que nos contou o conto "Yo mataré monstruos por ti"
Deixámosvos as imaxes

CONTOS DE SOFÁ

Estimadas familias, dende a biblioteca das palabras máxicas imos dar comezo a un novo proxecto: CONTOS DE SOFÁ, destinado ao alumnado de infantil e 2º de primaria.
Para este proxecto precisaremos a colaboración de toda a comunidade educativa:  mestres, familias... , e consistirá en vir a contar un conto na nosa biblioteca de centro. Pode ser calquer conto tendo en conto o seu valor literario-lingüístico e pedagóxico para o noso alumnado
Como vedes xa temos o sofá preparado, mesmo un libro de visitas para que nos deixedes as vosas impresións
Agardamos que participedes con moita ilusión neste proxecto!!!

UNHA VISITA MOI ESPECIAL

Onte as súas Maxestades  de Oriente xunto con Papá Noel visitaron o CEIP DE OCA. Foi unha tarde moi especial chea de visitas, nervios e moita emoción, onde tanto as súas Maxestades como Papá NOEL compartiron co noso alumnado momentos irrepetibles!!!!

RECOMENDACIÓNS DE NADAL

Estas son as recomendacións dos libros de nadal que elaboramos conxuntamente os 5 centros PLAMBE DA ZONA. DEIXÁMOSVOS O ENLACE PARA DESCARGAR

https://drive.google.com/file/d/1sV0SLQNNy74UuMpYhriMSvXYfV_ap297/view?usp=sharing

CHEGOU O NADAL AO NOSO CENTRO

Os nenos e nenas do Ceip de Oca coa axuda das súas mestras e mestres, adornaron as portas das súas aulas.
Mirade como quedaron

Na entrada do noso centro, puxemos un nacemento aportado por unha familia

Queremos amosarvos o gran traballo que fixeron os anciáns da residencia de Vea para o noso alumnado de Educación Infantil dentro dun proxecto interxeracional que levaron a cabo conxuntamente que consisteu no intercambio de adobíos de nadal

Ésta é a árbore da residencia de Vea que loce coas manualidades que fixo o alumnado de infantil

MAGOSTO , XOGOS POPULARES E EXPOSICIÓN DE CABAZAS

O pasado 2 de novembro celebramos o magosto: tivemos unha tarde moi divertida con xogos populares e tamén aproveitamos para inaugurar a sala multiusos do noso centro.

Ahí vos deixamos unhas imaxes do ben que o pasaron os nosos cativos cos xogos populares.

Aproveitamos tamén para ensinarvos a fantástica exposición de cabazas que fixeron as familias do noso alumnado. Darvos a tod@s as grazas pola vosa colaboración  e tamén a noraboa!!!!  Ahí vai unha pequena mostra da exposición:

25 DE NOVEMBRO DÍA CONTRA A VIOLENCIA DE XÉNERO

O pasado sábado 25 de novembro conmemorouse o  "DÍA CONTRA A VIOLENCIA DE XÉNERO" No CEIP de Oca fixemos este cartel para concienciar a cativos e maiores de que todos os días son 25 de novembro