XORNADAS DEPORTIVAS

Hoxe o alumando de 6º de Educación Primaria, asistirron a unhas xornadas deportivas na Estrada xunto con outros centros do  concello. Durante a mañá, os alumnos/as dispuraton varios partidos de dachtball.

VISITA AO IES E CORRELINGUA

Hoxe o alumnado de 6º de Educación Primaria visitou o IES Nº1. Xunto con compañeiros e compañeiras doutros centros da Estrada, puideron coñecer o seu futuro centro.

Unha vez rematada a visita e de maneira conxunta, dirixíronse á praza do concello para poder desfrutar do Correlingua e realizar o xa tradicional desfile, escoitar o manifesto a prol do uso da nosa lingua e poder deleitarse coa música da banda A Gramola Gominola.

Unha mañá do máis completa!

PRESENTACIÓN POEMARIO

O pasado venres vivimos no centro un día moi especial. Unha das alumnas de sexto de Educación Primaria, María, presentou o seu libro. A María encántalle escribir dende sempre e foi plasmado  os seus escritos nun caderno que se materializaron neste libro, en concreto, neste poemario.

Para dita presentación, tivemos o pracer de contar coa escritora lalinense Charo Golmar e de familiares que arrouparon a María neste fermoso momento. Ademais, moitos dos seus compañeiros e compañeiras tamén foron protagonistas da presentación, poñéndolle voz ao seu poema "O Galego" que previamente se encargara de musicalizar Xiana. 

A continuación, deixámosvos algunhas das fotografías e vídeos desta xornada.

 

Durante este evento contamos tamén coa presenza da prensa. A través deste enlace👉https://www.farodevigo.es/deza-tabeiros-montes/2024/05/25/prodixio-da-poesia-oca-102868203.html

podedes ver a reportaxe completa.

Dende o centro agardamos que esta sexa tan só a primeira de moitas presentacións e animamos ao resto do alumnado a continuar mergullándose no fascinante mundo da escritura.

FESTA DAS PALABRAS

Onte celebramos a novena edición da FESTA DAS PALABRAS cun acto no que a nosa lingua foi a protagonista, coa entrega dos premios  do XI Concurso de Micropoemas e Microrrelatos.

Este ano os autores e autoras tiveron que incluír a palabra música nos microrrelatos e a de silencio nos micropoemas e que foron elixidas por formar parte dos títulos das obras de Luísa Villalta a quen se homenaxea nestas Letras Galegas.

O padriño literario deste ano é o escritor, investigador e profesor estradense, Carlos Loureiro Rodríguez. Dende a súa faceta de ensaísta e investigador conta con obras como Manuel García Barros, obra e pensamento (2021) ou o seu Dicionario de escritores de Tabeirós-Terra de Montes (2004). Como editor destacan as súas publicacións de obras de Varela Buxán, Losada Diéguez ou Manuel García Barros.

No acto non faltou tampouco a música, da man de Lucía Azurmendi, que actuou  acompañada do seu grupo.

 

 

 

NOVIDADES

Xa comezan a chegar algúns dos exemplares que o alumnado solicitou a través do buzón de suxerencias da biblioteca. Ademais dalgunha outra obra en lingua inglesa. 

A continuación, amosámosvos algúns dos libros recibidos.

Pero...isto é só unha mostra! Achegádevos a biblio para coñecer todas as novidades!

DINAMIZA TV

O pasado xoves, 16 de maio e durante a xornada de hoxe, Paula Cereixo e Lucas Terceiro, acudiron ao noso centro co fin de gravar un programa audiovisual.

Dito programa contará con varias sesións como a presentación dun xogo tradicional, neste caso a mariola, unha recomendación lectora, unha entrevista, entre outras. A persoa elixida para a  entrevista, foi a actriz Carmen Méndez. A continuación, podedes ver unha imaxe dos nosos presentadores e presentadoras durante o encontro coa intérprete. 

Na gravación de dito proxecto audiovisual, os alumnos e alumnas de cuarto, quinto e sexto de Ed. Primaria, tiveron un papel moi activo, ó ser os encargados tanto da redacción, guión como produción. Ademais formaron o equipo técnico (dirección, cámara, son e iluminación) e artístico (presentadores/as). Así, repartidos en grupos e guiados por Paula e Lucas, encargáronse de darlle forma a todo o programa.

Proximamente poderemos desfrutar da emisión do mesmo a través da canle de Youtube do concello de A Estrada. Agardamos expectantes!

                       

EMPREGAMOS STOP MOTION

Os nenos e nenas de Educación Infantil, en atención educativa, estiveron aprendendo a empregar Stop Motion e a editar vídeos. 

Amosámosvos os resultados a continuación!

 

RECIBIMOS UNHA NOVA MALETA VIAXEIRA

Esta semana recibimos no centro unha nova maleta viaxeira, neste caso, coa temática álbum ilustrado. Os materiais, atópanse repartidos entre as bibliotecas de aula e a biblioteca do centro. 

A continuación, amósase unha imaxe na que se poden ver aos cativos/as de infantil, desfrutando da lectura dun dos libros.

Animámosvos a pasar pola biblio para poder coñecer todo o material dispoñible na mesma!

Actividade "Os instrumentos e a indumentaria tradicional van á escola"

 Con motivo da celebración do DÍA DAS LETRAS o mércores tivemos un obradoiro didáctico sobre os instrumentos e a vestimenta  na música tradicional coa colaboración de PABLO SEOANE E MARÍA MAYO.

O alumnado de Ed. Infantil e Ed. Primaria pudo coñecer de primeira man cales son os instrumentos tradicionais máis coñecidos, pero non só velos senón tamén tocalos e aprender un pouquiño máis acerca deles. Aprenderon tamén sobre o vestiario, os ritmos máis importantes dentro da nosa cultura e  a riqueza oral a través das coplas.

Moitas grazas Pablo e María!