HORTO ESCOLAR

 Ao longo do mes de abril, estivemos traballando na horta, preparándoa para a nova plantación que comenzamos en maio e vimos de rematar o pasado venres.

https://www.lavozdegalicia.es/noticia/deza/2022/05/28/tomates-valor-anadido-crecen-ceip-oca/0003_202205D28C69910.htm 

ACTIVIDADES 6º DE ED. PRIMARIA

 O alumnado de 6º de primaria, participou nun obradorio sobre o alzheimer e a demencia en colaboración coa Asociación Agadea de A Estrada https://www.agadea.org/

Realizaron varias actividades co obxectivo de sensibilizar ao alumnado sobre as enfermidades mentais.

 

Pero tamén tiveron tempo para a diversión, xa que a pasada semana realizaron a súa excursión de fin de curso en Cantabia. Catro días que deron para actividades culturais, de lecer e deportivas.

Visitaron  Colunga, as Cuevas do Soplao, as Cuevas de Altamira,  foron ao zoo de Cabárceno, visitaron o museo dos dinosaurios e tamén tiveron actividades de  multideporte.

 

FESTA DAS PALABRAS

O Teatro Principal da Estrada acolleu onte a 9º edición da Festa das Palabras. A iniciativa, organizada polos equipos de dinamización lingüística dos centros educativos do municipio, pretende fomentar o uso da lingua galega entre a mocidade e serve como colofón final ó traballo realizado polo alumnado durante todo o curso escolar. 

 O acto comezou cunha intervención da escritora galega de literatura infantil, Rosalía Morlán, que foi a madriña elixida para a edición deste ano. A continuación, realizouse a entrega de premios do IX Concurso de Micropoemas e microrrelatos que organizan os equipos de dinamización lingüística dos centros escolares. Para poder participar no certame, os micropoemas tiñan que conter a palabra “infinda” e os microrrelatos, a verba “loita”. As dúas aparecen en títulos de obras de Florencio Delgado Gurriarán, o escritor homenaxeado este ano no Día das Letras Galegas.

 

 En total, foron premiados un bo número de alumnos e alumnas de cada centro. No concurso de micropoemas do noso colexio saíron premiados:

- Miguel Cimadevila : 2º de primaria

- Anxo Couto: 3º de primaria

-Julia Canicoba: 6º de primaria

 En microrrelatos saíron premiados:

- Elvira Valiña de 1º de primaria

- Mara Couto: 4º de primaria

- Julia Canicoba: 6º de primaria

Ademais saíron escollidos dous debuxos de Educación Infantil:

- Uxía Ferrerio: 6º de infantil,  relacionado coa palabra loita

-Lía Gigirey: 6º de infantil relacionado coa palabra infinda 

 

 

 

Dinamiza TV

Xa podemos ver o fantástico traballo dos centros da Estrada para incentivar o uso do galego.

Os centros de ensino amosaron os seus dotes xornalísticos nesta xeira de noticieiros programados polo Concello da Estrada e Dinamizaestrada .

Iremos colgando todos os vídeos que irán publicando ao longo da semana. Hoxe visualizamos en primicia o vídeo do noso centro.

IES GARCÍA BARROS  https://www.youtube.com/watch?v=uIxxgOFHRWo 

CEIP PLURILINGÜE DE OCA  https://www.youtube.com/watch?v=iPb_kdFVm10

CEIP PÉREZ VIONDI https://www.youtube.com/watch?v=E2ymLGVqh64

CEIP FIGUEIROA https://www.youtube.com/watch?v=j3KwzYcJgi8 

IES Nº1 https://www.youtube.com/watch?v=oOkIUgfX0BU

 

CORRELINGUA 2022

Onte volvemos ás rúas da Estrada a festa do Correlingua. Participamos os centros educativos da Estrada : Figueiroa, O Foxo, Villar Paramá, Oca, Cabada Vázquez e Pérez Viondi. Tamén participaron na xornada os IES Antón Losada e Nº1 e IES Chano Piñeiro de Forcarei 

 Percorrimos diferentes rúas do casco urbán e logo xuntámonos na praza do Concello para escoitar o manifesto e asistir ó concerto de Mecánica Rolling Band.