O pasado 6 de abril, o alumnado de 1º, 2º, 3º e 4º realizaron unha saía ao "ENREDO DO ABELLEIRO" en Portodemouros. https://www.abelleiro.com/
Puideron visitar as instalacións, así como unha pequena charla sobre a importancia das abellas. Tamén viron as colmeas e vestíronse co traxe de apicultor para observar as abellas no seu propio entorno.
Pero antes de acudir a esta saída , levaron a cabo unha gran investigación sobre as abellas e realizaron uns fermosos murais
O alumnado de sexto segue a traballar no Programa Digicraft. Un exemplo disto foi un reto chamado " Pesadelo na Biblioteca".
Viron como se poden organizar os recursos dunha biblioteca e a forma de programar un robot para optimizar o tempo de busca dos recusos. Usamos a programación para buscar de xeito autónomo nunha base de datos.
Dentro do proxecto de Voz Natura vaise a realizar o I Certame Fotográfico de Temática Medioambiental.
Este concurso faise co fin de que o alumnado reflexione sobre a importancia das paisaxes naturais e o seu coidado, desenvolvendo así unha correcta conciencia medioambiental.
Para a realización de dito concurso, os alumnos- as, deben sacarlle unha foto a unha paisaxe natural que lle guste.
Unha vez feita a fotografía, coa vosa axuda, podedes enviala ao correo do colexio: ceip.oca@edu.xunta.es .
Imprimrémolas e faremos unha exposición para que todos poidamos coñecer novas paraxes🍀🌿🌾🌽🌼🌻🌺
No correo, acompañando a foto , debe asignarse o nome e apelidos do alumno/a e o lugar onde se realizou dita fotografía.
Poden participar ata o 20 de abril, xa que o 22 de abril farase a entrega dos premios. Serán tres as fotografías premiadas.
¡Animámosvos a participar!
Co gallo do Día da poesía o 21 de Marzo, actualizamos o recanto de Miroleo recomenda:
Os nenos e nenas de Educación Infantil ilustraron a poesía "Pinto o mundo de cores" extraída do libro "Poemas con piruleta" de Carlos Fontes e ilustracións de Leandro Lamas
Xa comenzamos na nosa biblioteca, coas recomendacións lectoras para este mes.
Ao longo do día 8 de marzo, realizamos diferentes actividades.
A elaboración dun mural conmemorativo
En Ed Infantil traballaron as profesións e tamén coñeceron a María Montessori a través desta biografía que foron buscar ao recanto das recomendacións de Miroleo.
En 1º e 2º aproveitaron que estiveron traballando a Semana da Prensa, para observar cantas noticias na sección de deportes estaban adicadas a mulleres.
Tamén elaboraron unha gaceta con noticias divertidas do colexio.
O mércores 23 de febreiro conmemoramos o día que naceu Rosalía de Castro, fai 185 anos.
Este é o primeiro ano que se celebra o día de Rosalía de Castro o 23 de febreiro e non o 24. O cambio prodúcese despois de que a filóloga Sagrario Abelleira revelase documentación que acredita que a autora de Follas Novas e Cantares Gallegos tería nacido un día coma hoxe. Coincidindo con esta celebración, no centro fixemos varias actividades na súa honra.O alumnado de Infantil participou na decoración da pancarta.
Logo o alumnado de 1º. 2º e 3º leron unha pequena biografía e recitaron os primeiros versos de "Adiós ríos, adiós fontes" "
Por último todos xuntos, cantamos a canción "No bico un cantar" un poema de Curros Enríquez adicado a Rosalía de Castro.
Pola tarde o Teatro Principal da Estrada, acolleu un acto onde diferentes nenos e nenas
dos centro educativos recitaron poemas de Rosalía.En representación do noso centro, acudiu Antón alumno de 3º de primaria e María alumna de 4º de primaria. Xuntos recitaron un poema do pomeario "A VOLTA AO LAR".
Tamén se presentou o vídeo elaborado por Lucas Terceiro para o Departamento de cultura