ADEUS A MARGARITA SALAS

No día de onte coñeciamos o pasamento  de Margarita Salas, unha muller pioneira no campo da bioloxía molecular.

deixámosvos a noticia https://www.elmundo.es/ciencia-y-salud/salud/2019/11/07/5dc3fb1bfdddff1f058b456e.html

SAÍDA Á XIMONDE

O pasado venres día 25 fixemos unha saída ao Coto de Ximonde no río Ulla. Percorremos un tramo das sendas do río Ulla onde nos explicaron a fauna e a flora e analizamos parámetros da auga do río. Tamén asistimos unha charla cun garda no coto fluvial.

PARTICIPAMOS NUN PLENO

No día de onte asistimos a un pleno no Concello da Estrada, presidido polo noso alcalde Don José López. O alumnado participou nunha sesión onde tiveron a oportunidade de ser concelleiros por un día, e expresaron as súas preguntas e dúbidas. Pero tamén lle fixeron chegar ao alcalde a necesidade de melloras para o noso centro.
Logo achegámonos ata a Casa das Letras, onde o alumnado puido comprobar todos os libros que teñen dispoñibles para o seu préstamo.

MES DE NOVEMBRO, MES DA CIENCIA

Como xa sabedes o mes de novembro está adicado á ciencia, os colaboradores/as  estiveron traballando para deixarnos estas recomendacións tan interesantes.

24 DE OUTUBRO DÍA DAS BIBLIOTECAS ESCOLARES.

Hoxe 24 de Outubro co gallo do día das Bibliotecas Escolares, convidamos a Don Valentín García Secretario Xeral de Política Lingüística e a Dona Amalia Goldar Concelleira de Educación do Concello da Estrada para ensinarlle o noso proxecto sobre as Mulleres Pioneiras Galegas Actuais.
A nosa sorpresa foi tremenda cando vimos que non viñan sós, que viñan acompañados dos BOLECHAS!!!!
Moitas gracias a todos por vir!!

ESTE MES DE OUTUBRO MIROLEO RECOMENDA...

Os novos colaboradores deste curso xa comezaron a traballar. Este mes Miroleo recoméndanos contos de bruxas, de medo, de vampiros... mirade que terrorífico!

POR UNHA BIBLIOTECA INCLUSIVA!

O pasado xoves, tivemos o pracer de recibir a Lola da librería Aenea de Santiago de Compostela que nos trouxo moitas novidades en canto a biblioteca inclusiva se refire.

Nuns días amosarémosovos un novo recanto que estamos creando na nosa biblioteca das palabras máxicas con todo o fondo documental que estamos mercando.